Desta volta foi Fani, a mamá de Isaac e Rubén, a que nos veu regalar este fermoso conto da tradición oral chinesa: "Sete irmáns chineses" de Rodolfo Castro.
Este conto descubrenos as distintas capacidades que temos todas as persoas que nos fan a uns distintos dos outros.
"Co tempo, os irmáns Li foron capaces de facer cousas que permitían diferencialos. Li, o máis vello, era quen de tragar todo o mar. O segundo Li tiña un pescozo de ferro. O terceiro Li..."
Sorprendeunos gratamente este relato que nos enganchou aos nen@s de 1º e 2º, e séguenos sorprendendo como o ilustrador André da Loba partiu do Tangram e as súas sete pezas para a representación da historia.
Moitas grazas Fani por engaiolarnos con esta bonita narración.
No hay comentarios:
Publicar un comentario