12/12/18

A LECTURA E O MEDIO AMBIENTE

Da man de César, papá de Izan de 1º, chegounos a lectura de Pétala.
Libro de Pep Bruno que nos introduce no problema medioambiental que ocasiona a escasez da auga.

                               Disfrutamos moito da compañía.

VOLTAMOS COAS FAMILIAS LECTORAS

Para os máis pequenos de Primaria veu Bea, a mamá de Eloi, para  deleitarnos co  conto do "Soldadiño de chumbo". Libro de Hans Christian Andersen e traducido por Tareixa Alonso, da editorial Kalandraka.


Un relato con penas e alegrías que ten un final feliz, ou se cadra un pouco triste.

Para 3º e 4º a elección de Sandra, mamá de Miriam, foi Titiricircus, que nos abre a porta ao fantástico mundo do circo e dos títeres.



30/11/18

XOGAMOS COA CIENCIA

Remata o mes de novembro, no que nos adicamos á ciencia en galego e ao noso proxecto Xogamos?
Recibimos novidades de ciencia en galego que se uniron aos nosos fondos de sempre, para o préstamo e para os traballos das  aulas.

 Realizamos algunhas experiencias divertidas que contamos en vídeo:
          
          
           

ESTATÍSTICA DOS XOGOS

Xa temos os resultados das nosas enquisas e investigacións sobre o xogo, comparando os nosos cos dos pais e nais, avós e avoas. Atopamos algunhas diferenzas e descubrimos cousas que non sabíamos, froito das nosas conversas nas casas. Representamos os datos obtidos de diversas formas e redactamos as conclusións, cadaquén en relación ao seu nivel.




23/11/18

NON ME VISTAS DE ROSA...

Xa soa nas entradas e saidas, e aquí tedes a letra desta cancionciña que podemos ler, recitar, cantar, repensar, reescribir, continuar... e todo o que se nos ocurra. Porque non podemos deixar de reflexionar, porque queda moito por facer... fagamos unha paradiña no 25N.
 Podemos atopar este texto e máis, nesta novidade da nosa biblio, o libro disco "No país do vento".



Lembremos cousiñas dos nosos arquivos: aquí Óscar, o papá de Sara e Olga leu hai tempo para nós "Rosa Caramelo" de Adela Turín e Nella Bosnia.

14/11/18

A AMORA NA SILVA

 




"Estando a amora no seu lugar
veu a mosca para lle picar.
A mosca na amora,
a amora na silva,
a silva no chan
e o chan como é duro
de todo ten man."




Continúan na aula de maiores de Infantil encontrándose coa literatura, coas boas historias, para escribir, ler, falar e escoitar a partires delas e con elas. Neste caso cun acumulativo rimado popular, dos que nunca fallan, porque xogar coas palabras conecta coa infancia, porque repetir ese percorrido esperado encanta e divirte.

 Tamén o escornabot quixo seguir a secuencia da historia, acompañado destas pequenas e pequenos, revivindo a historia, as palabras e o ritmo.




8/11/18

MES DA CIENCIA EN GALEGO

Que ben nos vai esta celebración co noso proxecto deste curso e coa nosa planificación!
O equipo de Dinamización da Lingua Galega proponnos que "Xoguemos coa ciencia", porque tamén nos xogos hai ciencia e porque a ciencia da moito xogo.

http://www.edu.xunta.es/biblioteca/blog/?q=node/1151

http://xogamosmellorxuntos.blogspot.com/
 Así que investigaremos e xogaremos este mes e xa iremos amosando os resultados.
Ademais estamos traballando arreo para facer públicos moi pronto os resultados das enquisas que realizamos nas nosas familias sobre o xogo nas nosas vidas. A Estatística é unha parte das Matemáticas imprescindible para os científicos e científicas, porque é a que se encarga de rexistrar, contar, medir, organizar e presentar datos. 

 

1/11/18

VOLUNTARIADO E LECTURAS DE MEDO

Con que ilusión prepararou o equipo de axudantes de 6º as lecturas para o Día do Samaín! Aquí están transformados en seres do máis alá para facernos vibrar con lecturas estarrecedoras:

E nas aulas agardábamos esta Hora de Ler especial, recibíndoos como se merecen, cun bo ambiente lector.
 
Na casa da miña avoa

Jack e a morte

O monstro da chuvia

Andrés cabeza abaixo

O souto escuro e perigoso
Quen lle ten medo á bruxa?

A bruxa regañadentes


Tamén Bea, a mamá de Yaiza iniciou esta semana a actividade das Familias Lectoras con "A min non me comas"

Moitísimas grazas a todas estas persoas por agasallarnos con historias, con libros e co seu tempo.

27/10/18

ACTIVIDADES DÍA DA BIBLIOTECA

Esta semana a nosa Biblio estivo de celebración do seu día, por iso quixo facerse notar. 
O primeiro foi entregarnos as mochilas viaxeiras, que andarán polas nosas casas todo o curso.


 Logo a Biblio convidounos a xogar para coñecela mellor:


E os compoñentes do Club de Lectura tamén puideron recoller a súa primeira lectura deste curso:



 
BOAS LECTURAS A TODAS E TODOS!
Related Posts Plugin for WordPress, Blogger...