Outra das actividades que propuxemos para festexar o Día do Libro foi a confección de contos colaborativos interniveis, nos que participou todo o alumnado do centro! Cada un dos libros comeza cos más pequen@s de Infantil e, curso por curso, e vaise completando a historia ata que sexto lle pon o broche final.
Naceron así estes oito relatos cooperativos da nosa colleita que compartimos.
Na escola dentro do noso proxecto deste curso, estivemos traballando as lendas do mundo e para ir preparando a nosa volta a Galiza, agora tocoulle a quenda ás de Galiza.
Con motivo do día do libro os Axudantes da Biblioteca de 5º e 6º quixeron agasallarnos con varios contos e lendas de Galiza e tamén de Portugal, que de tanto acompañarnos, xa parecen nosas.
Esta é a nosa mostra para celebrar o día do libro.
Este xoves, 21 de abril, gozamos da compañía de Antía Yáñez.
Na xornada matinal compartíu o espazo co alumnado de 4º e 5º de EP que chegaron a ela a través do do seu libro "Plan de rescate" de Edicións Xerais. 
Co entusiasmo da lectura do libro, xurdiron finais alternativos que foron propostos á autora así como numerosas preguntas que estiveron preparando na aula.
Despois do intervalo da comida, a tarde iniciouse coa reunión do Club de Lecturas de Adultos que compartiron opinións sobre o libro de "Senlleiras", primeira lectura do club durante este curso.
Libro que fala de mulleres que compartiron dificultades nas súas relacións, mulleres que loitaron por unha vida digna e polo seu dereito a ser o que son: mulleres.
O día 22 de abril a Consellería de Cultura recoñece a Antía Yáñez co Premio dos Club de Lecturas 2022 👇
Baseándonos na proposta do libro "Veo veo ¿que ves?" xogamos a mirar doutro xeito, a ver máis alá da imaxe e a crear. Deseñamos personaxes e ambientes e, como non, tamén textos que os acompañen. Pasámolo moi ben creando este libriño entre todo o cole, que agora xa está na nosa Biblioteca. Premendo na imaxe podes ver o proceso e dar unha volta polo seu interior!!
Neste abril, mes dos libros, compartimos con toda a escola os nosos Mundos Lectores, deseñados ao noso gusto e interese, habitados polas lecturas que foron pousando nel, e con cabida para as que seguirán chegando. Así é o noso Universo:
Hoxe o alumnado de 6º estivo conversando con Héctor Cajaraville sobre o seu libro "Kusuma". Moitos temas para pensar e falar, que se atopan ao longo desta historia, dos que xa nos decataramos, ou non, estiveron presentes, para revivir a lectura e para seguir reflexionando. Tamén nos interesamos pola actividade do escritor, o proceso, a ilustración e outras curiosidades que tiñamos.
Listas as propostas para este mes de celebracións importantes para os libros e a lectura:
Compartiremos os nosos Mundos Lectores, que vimos elaborando neste curso.
Falaremos de libros, compartiremos lecturas e tamén elaboraremos un libro propio, partindo desta idea:
