Durante este curso foron moitas as familias lectoras que se achegaron á nosa biblioteca para compartir con nós un momentiño arredor dun libro.
Esta actividade é unha das favoritas do noso alumnado e tamén das familias.
Grazas a todas elas por vir e compartir lecturas con nós.
Para celebrar o DÍA DAS BIBLIOTECAS ESCOLARES, damos saída ás mochilas viaxeiras por todas as aulas de infantil e de primaria:
.jpeg)
En definitiva, un tesouro gratuito preto da casa. Quedaron para o curso que ven facer outra saída parecida.
Finaliza este curso e queremos dar as grazas a todas as familias que visitaron a nosa biblioteca para contar un conto.
Esta é unha das nosas actividades favoritas. É unha bonita maneira de abrir a nosa biblioteca e o noso cole ás familias, para que nos coñezan e sobretodo pola ilusión que lles fai aos nenos e nenas cada vez que tiñan visita.
.jpeg)
.jpeg)
.jpeg)
.jpeg)
O club de lectura de adult@s para este curso 23/24 deu comezo a semana cunha reunión na nosa biblioteca.
Nesta xuntanza comentamos lecturas do curso pasado e tamén confeccionamos un listado con novos títulos, algunhas preferencias e organizámonos para o comezo dun novo curso lector.
Se queres participar, pregunta na nosa biblioteca!
O pasado 8 de marzo, celebramos o día da muller abrindo as portas da biblioteca a nosa comunidade para poder aprender máis sobre os traballos relacionados con mar que desempeñan as mulleres da nosa contorna.
Visitounos Filipa da Silva, peixeira. Falounos do seu traballo na praza do mercado, como é o seu día a día e tamén aprendemos moito sobre distintas especies de animais mariños.
O pasado 21 de decembro tivemos a primeira reunión do club de lectura de adultos deste curso 2022/23.
A xuntanza tivo lugar na biblioteca do noso centro e esta vez foi para falar sobre o libro de Elba Pedrosa "O que non sabía".
"O que non sabías" é unha historia intimista, calma, de miradas significativas, de contrastes e paixóns. Unha procura de liberdade e amor na que o silencio impregna con protagonismo as persoas, e o mar devolve o que un día levou.
Pasamos unha agradable xuntanza disfrutando da lectura:
Na Biblioteca temos lecturas que estamos desexando compartir coas familias. Libros informativos, para consultar, de receitas, de arte, de narrativa, de misterio... libros que están esperando que alguén os queira ler.
Estas son algunhas das nosas propostas.👇
Para máis información consulte o noso catálogo:
Catálogo Biblioteca Aurora Ramilo
Comezamos as actividades de abril con arte, coa exposición dos traballos dunha nai da escola que nos deixou abraiados co seu talento. Patricia Vilas di que pinta por afición e que sinte predilección polo retrato, iso comentou co alumnado de 5º, con quen mantivo unha pequena entrevista.
