Á volta do Nadal, o alumnado de 5º volveu das vacacións cunha fame no cerebro por tanta lambetada das festas que a titora decidiu sacar proveito da situación.
Que mellor lugar para fartar a fame que a cociña e ao mesmo tempo, que casualidade que a mellor maneira de aprender matemáticas sexa tamén na cociña. Pois alá foron!
Mirade todo o que elaboraron e comeron!
Hora de ler coas familias en 5º e 6º, hoxe con Azucena, mamá de Carla. 
Flor, a mamá de Lucy e Saray, escolleu para o alumnado de 3º e 4º "A selva dos números", de Ricardo Gómez, un exemplar que temos asinado polo autor.
O alumnado de E. Infantil recibiu a visita da mamá de David, que compartiu con eles a lectura de "Os magos das Formas", un conto de Anxo Fariña que xoga coas formas xeométricas e a súa presenza nas nosas vidas.
Informámonos aquí sobre a ONU e sobre a finalidade coa que foi creada esta organización.
Un grupo dos axudantes da Biblioteca preparou a primeira actividade de animación á lectura para os seus compañeiros máis novos. Lara, Antía, Isaac, Damián, Rubén e Laura atrevéronse a preparar unha pequena obra de monicreques, unha adaptación de "Cucho, Coco e o dilema do seis". Deron vida aos personaxes a partir dun calcetín, traballando na súa casa, e prepararon os diálogos nos seus tempos de recreo.
