As imaxes tamén son un medio de expresión e de comunicación, así o comprobamos nesta actividade en que observamos, fotografiamos e interpretamos. Participamos por segunda vez no Concurso de Fotografía Matemática do IES de Salvaterra de Miño e foi unha actividade que nos encantou, sobre todo este curso en que estivemos cambiando a nosa mirada cara as matemáticas, para velas tal como son, próximas e cotiás.
Para completar a experiencia, o profesorado do Departamento de Matemáticas do IES tivo a amabilidade de compartir connosco parte do seu saber. Andrés e Aurelio presentáronnos "Un día sen matemáticas", un percorrido polas actividades que facemos día a día e nas que están presentes as matemáticas. Sandra mostrounos como podemos aprender matemáticas facendo papiroflexia. Ademais comunicáronnos que a gañadora do concurso era do noso cole!, Sarai de 6º, con esta fotografía:
Moitas grazas pola visita!!
No hay comentarios:
Publicar un comentario