Biblioteca de Leirado: axudantes

Mostrando entradas con la etiqueta axudantes. Mostrar todas las entradas

28/5/26

OBRADOIRO DE PAPEL RECICLADO

Durante a terceira semana do mes de maio, levouse a cabo na biblioteca un obradoiro de reciclado de papel de periódico. Durante toda a semana durante o recreo foron pasando alumnos e alumnas de diferentes niveis para elaborar o seu propio papel reciclado.

Os voluntarios da biblioteca botaron unha man, explicándolles aos asistentes e axudándoos na elaboración.

Como a elaboración do papel é un proceso que tarda un tempo o alumnado deixou o seu elaborado secando na biblioteca para poder recollelo ao final da semana todos xuntos.

23/3/26

OBRADOIRO NO RECREO: ESPAMPACIÓN CON FROITAS

Durante o segundo trimeste realizáronse diferentes obradoiros na biblioteca durante os recreos. Un deles foi o de estampación con froitas e hortalizas;

23/2/26

23 DE FEBREIRO: DÍA DE ROSALÍA

Hoxe, 23 de febreiro, celébrase o día de Rosalía de Castro, coincidindo coa data do seu nacemento.

Aproveitando a ocasión, o noso voluntariado fixo un programa de radio onde falaron sobre ela:

25/11/25

25N: LECTURA DE LIBROS DE IGUALDADE E BOLBORETA

Cada 25 de novembro, dende a biblioteca de Leirado propoñemos lecturas que fomenten a igualdade e a eliminación de estereotipos de xénero.

Este curso foi o voluntariado quen visitou as aulas para compartir estes contos con todo o alumnado:

Despois da lectura, a rapaciada reflexionou sobre o conto lido e en cada aula fixeron unha lista de palabras imprescindibles para conseguir a igualdade entre homes e mulleres.

Con esas palabras, fixemos unha bolboreta que luce así na entrada do noso cole:

3/11/25

LECTURAS TERRORÍFICAS POLAS AULAS NA SEMANA DO SAMAÍN

Durante a semana do Samaín, o voluntariado da biblioteca visitou todas as aulas do cole para contar un conto. Os contos eran temáticos e algún dos títulos foron:

- Un, dous, tres, vampiro ti es!

- Guapa!

- O vampiro Edelmiro!

- Corre, corre, cabaciña!

- Truco ou trato!

- La bruja Brunilda está de aniversario.

31/10/25

TEATRO DE LUZ NEGRA PARA CELEBRAR O SAMAÍN

Chega Samaín e o voluntariado deste curso non para!

Esta vez adaptaron o conto "GUAPA" de Canizales, para facer un teatro negro con luz ultravioleta que foi todo un éxito.

Aquí podedes ver o resultado final:

13/10/25

NOVO CURSO, NOVOS VOLUNTARIOS

Este curso @s voluntari@s da nosa biblioteca comezaron con moita enerxía as súas tarefas como axudantes

3/3/25

RADIO

Todos os venres, na hora de ler, emitimos en directo o programa de radio dos voluntarios da biblioteca. Eles infórmannos das novidades da semana, eventos destacados, aniversarios do alumnado e moitas cousas máis.

15/11/24

RECREOS DE BIBLIOTECA

Cando chega o recreo, a biblioteca énchese de vida: nenas e nenos de todas as idades comparten este espazo para xogar, ler, pintar, construir... e sobretodo compartir experiencias. E sempre coa supervisión e a axuda do noso voluntariado de biblioteca.

6/11/24

AS LERIAS DE LEIRADO

Este curso puxemos en marcha un novo programa de radio en directo que se emitirá todos os venres na hora de lectura.

Neste programa, os voluntarios e voluntarias da biblioteca nos contarán os aspectos máis relevantes ocurridos durante a semana (celebracións importantes, conmemoracións, aniversarios, saídas, anécdotas curiosas, etc).

31/10/24

CONTACONTOS POLAS AULAS PARA CELEBRAR O SAMAÍN

Durante esta semana, o alumnado voluntario da biblioteca foi polas aulas na hora de ler para contar uns contos terroríficamente divertidos:

17/5/24

OBRADOIRO DE PAPIROFLEXIA

Nos recreos, as voluntarias e os voluntarios da biblioteca realizan distintos obradoiros cos máis peques do cole.

Esta vez tocou papiroflexia grazas aos coñecementos de Alexandra, a nosa voluntaria máis artista:

13/5/24

LETRAS GALEGAS 2024

Durante esta semana, o voluntariado da nosa biblioteca estivo moi entretido colaborando na elaboración do cartel para Festival das Letras Galegas que facemos todos os anos no centro:

9/5/24

UN NOVO AUDIOLIBRO PARA A BIBLIOTECA

Nerea, alumna de 5º de primaria e voluntaria da biblioteca, gravou na radio escolar o conto "O meu irmono", unha divertida historia escrita polo Hematocrítico.

Un novo audioconto para a nosa biblioteca para achegar a lectura a toda a comunidade.

O noso lema: NINGUÉN SEN LECTURA.

26/4/24

OBRADOIROS DURANTE A SEMANA DO LIBRO

Durante toda esta semana, na nosa biblioteca, realizáronse distintos obradoiros relacionados co Día Do Libro, como crear marcapáxinas, colgadores para as portas, etc....

As nosas voluntarias e voluntarios colaboraron no desenvolvemento destes obradoiros para que todo saíra fantástico.

25/4/24

LECTURA DE CONTOS POLAS AULAS

Durante a semana do libro, os voluntarios e as voluntarias da nosa biblioteca foron polas aulas lendo contos aos demáis compañeiros. Aproveitamos ás horas de lectura para realizar esta actividade:

4/4/24

OBRADOIROS DE PASCOA

A última semana do segundo trimestre fixemos uns obradoiros moi especiales na nosa biblioteca:

Durante os recreos, todos aqueles que se acercasen pola nosa biblio, podían escoller entre as 4 actividades diferentes que tiñamos no noso recuncho de argalleira relacionados coa pascoa.