#BibliotecasSTOPViolencia

 Hoxe lucimos as nosas propias chapas, feitas con lemas, logos e deseños en favor da igualdade, en contra das violencias de xénero. 

As mochilas lilas comezan  a súa andaina polas casas.

AQUÍ TODAS AS FOTOS

25N: O BO TRATO TAMÉN É SAÚDE

Proposta de contos e cancións, para conversar, para entender que a igualdade e o respecto son a base dunha convivencia saudable, que a liberdade é un dereito, e para dicir non á violencia de xénero.

Imos elaborar cadaquén a súa propia chapa, coa mensaxe que decidamos, para que se saiba e se entenda.

Alumnado voluntario de 6º cóntavos como facelo:

NOVO EQUIPO DE AXUDANTES

Presentámosvos ao novo equipo de axudantes que se incorporou este curso ás tarefas da Biblioteca. Moi activos e entusiastas xa se puxeron ao día rapidamente, colaborando na organización e preparando información para todos vós. Velaquí o grupo de 5º:

PAPAGAIO DIXITAL

 Novas de interese!!

Agora podemos ler o Papagaio Dixital, so tes que premer na imaxe, que queda tamén no lateral do blog, pedir á algunha mestra que che introduza as claves... e listo!!

Moitas noticias, banda deseñada, risas, celebracións, ideas...

Lembra que tamén o tes en papel na Biblioteca e na Sala de Estar!!

COMPARTIMOS CONTOS DE MEDO

Reunímonos virtualmente para compartir as nosas creacións cos demais grupos. Vémonos, escoitámonos e lémonos dende as aulas,  cos contos de medo que fixemos, individuais, de equipo, grupais, diversos...tod@s. 

Unha celebración diferente, pero rica igualmente.

Parabéns artistas!!

DÍA DAS BIBLIOTECAS 2020

 Os "Días de" serven para visibilizar, para concienciar, para poñer en valor...

No Día das Bibliotecas lembramos o seu sentido como lugares de encontro coa cultura e o coñecemento, e como lugares de reunión para compartilo. 

Este curso o lema "Sempre ao teu carón" ten un significado especial porque tamén en circunstancias difíciles este servizo é imprescindible.

A nosa Biblioteca ofrécevos hoxe un percorrido virtual para coñecela ben e saber usala; entra e explora, da man do alumnado voluntario de 5º, todas as posibilidades que ofrece, e aprende coas actividades que atoparás, para todos os niveis. Adiante!!! Aquí en pantalla completa

Ademais achegámosvos parte dos nosos fondos, variados en temática e formato, para que cadaquén poida utilizar o que lle guste, interese ou necesite, e compartilo en familia.   As mochilas viaxeiras  sairán hoxe para as primeiras casas. 

Para o cumprimento do protocolo sanitario e garantizar a máxima seguridade, gardaremos catro días de descanso entre casa e casa, coa seguinte secuencia:

Boas Lecturas!

CONTEMOS OS MEDOS

Achégase o tempo de Samaín, e o medo, coma sempre, será protagonista.

CONTEMOS OS MEDOS!

Propoñémosvos narrar o medo, elaborar relatos nos que representemos algún tipo de medo e como o afrontan os/as personaxes. Tamén como consiguen triunfar sobre el. Atréveste?

Seguro que algúnha vez liches un relato de medo. Pois esta vez serás o creador ou creadora!!

Aí van unhas axudas que atoparás na Biblioteca:

Ou estes dados dispoñibles na rede:

AQUÍ UNHA GUÍA PARA GRANDIÑOS/AS

AQUÍ UNHA GUÍA/BORRADOR PARA PEQUES

Non esquezades compartilos para que todos poidamos lelos, ou escoitalos, ou velos...👹😀😵😮

COMEZAMOS PROXECTO?

 Pacho mándanos unha frase agochada nesta mensaxe secreta:

Cando a descubrades, deberedes conversar sobre o seu significado, despois  recoller todas as ideas que vos xurdan desta frase...

...e con esas ideas poñernos a xenerar LOGOTIPOS que representen o proxecto deste curso!

Fixádevos, aquí podemos mirar algúns, para inspirar:

Ou buscar en internet
Ou iniciar unha busca de logotipos pola casa, recortalos e traelos á escola.
Pacho agarda as vosas marabillosas creacións!