FIN DE PROXECTO

Ao longo da Historia, homes e mulleres desplazáronse dun lado a outro por diversas razóns: para buscar un lugar onde establecerse, para comerciar, para conquistar, para coñecer... Nese ir e vir de moitas persoas durante moitos séculos espalláronse linguas, música, arte e costumes que enriqueceron a uns e outros, engrandecendo o patrimonio cultural da Humanidade.

Neste curso percorremos  rutas Xacobeas, de especial relevancia na nosa Comunidade, desenvolvendo moitas habilidades e apropiándonos de coñecemento.

Expuxemos os nosos traballos para as nosas familias e rematamos degustando a torta de Santiago que preparou a clase de 1º.

Álbum de fotos

Podemos ver todo no blog do proxecto: 

O LIBRO, VAIA HISTORIA!

Rematamos as actividades de abril co programa mensual da Voz da Escola, esta vez a cargo do grupo de 3º, que investigou sobre a Historia do libro.

http://www.me.gov.ar/efeme/15dejunio/historia.html

POESÍA NOS CAMIÑOS

Para celebrar este ano o Día da Poesía, achegámonos ás manifestacións da poesía tradicional e de transmisión oral, dentro do proxecto "Camiños a Santiago". Igual que os camiños trouxeron e levaron dende sempre esta literatura, o noso alumnado levou os seus recitados polas aulas da escola. Rematamos a semana coa presentación do traballo de 5º e 6º, froito da súa investigación.

                

             
                

                

                

ENTROIDO 2016

Chegou o Entroido e seguimos aprendendo. Elaboramos os nosos disfraces coa temática do Camiño de Santiago e a Idade Media:

• Xograres e trobadores, que luciron instrumentos elaborados na aula de música.

• Pousadeiros  e pousadeiras medievais.

• Monxes medievais, cos seus manuscritos.

• Cabaleiros e damas.

• Peregrinos e peregrinas.

• Os tiraboleiros, co seu botafumeiro.

                 

EXPERTOS NO CAMIÑO

Hoxe recibimos na Biblioteca a Xosé Luis Cid e os seus compañeiros da Asociación de Amigos do Camiño de Santiago Via da Prata (Ourense), que nos viñeron transmitir a súa experiencia como camiñantes e o seu saber sobre este tema.

Descubrimos algunhas curiosidades que non sabiamos, aclaramos dúbidas e fomos partícipes das súas andainas e da súa sabedoría. Moi agradecidos por esta colaboración desinteresada e entusiasta.

PREPARACIÓN DO CAMIÑO

Durante este trimestre lemos, investigamos e falamos sobre o Camiño de Santiago, pasamos das ideas que tiñamos a saber algo máis e interesarnos polo tema do noso proxecto. Realizamos algúns traballos para ambientar o colexio e para compartir o que imos sabendo. Accede ao álbum de fotos:

COMPOSTELA EN RELATOS

Autoría da imaxe: Juan Mejuto

Chegou á nosa biblioteca unha serie de relatos a través dos que se coñecen diversos aspectos da cidade de Compostela: "Branco de Cores", un dos cabaliños da Fonte de Praterías, é o encargado de levarnos polas rúas de Santiago.

Presentou os libros a profe Luz, ao alumnado de 5º e 6º, facendo despois a lectura dun deles, Peregrino na sombra, onde entre outras cousas puidemos saber cal é a secuencia dos chamados Anos Santos, é dicir, cada canto tempo se produce que o día 25 de xullo cadra en domingo.

Quedan xa na nosa selección de materiais para o proxecto "Camiños a Santiago".

INVESTIGANDO POLO SAMAÍN

Investigamos sobre seres terroríficos de pedra, as gárgolas e outras esculturas que decoran catedrais e  antigos edificios, despois da lectura do Día da Biblioteca.

Descubrimos na exposición do Samaín que as cabazas tamén se poden secar e utilizar como recipientes, como as que usaban os antigos peregrinos para transportar a bebida:

  

E moito máis sobre este froito de outono, que investigaron os nenos e nenas de 4º e compartiron na "Voz da escola":

SAR, SARELA, E OS MONSTROS DE COMPOSTELA

Aquí deixamos a lectura do Día da Biblioteca para quen queira escoitala de novo. Grazas a Carla, Leticia, Laura, Yeneva, Kevin e Anxo.

                    
                    

DÍA DA BIBLIOTECA: OS MONSTROS DE COMPOSTELA

Un grupo de voluntarios e voluntarias axudantes da biblioteca abrirá este curso as lecturas compartidas con "Sar, Sarela, e os monstros de Compostela" no Día da Biblioteca. No fío da narración daránnos a coñecer as antigas esculturas terroríficas que adornan os tellados dalgunhas construcións en Compostela: as gárgolas.

Investigaremos sobre estas figuras monstruosas para elaborar o noso particular "Bestiario". Ademais de consultar os libros, tamén poden ser útiles estas ligazóns:

Monstros mitolóxicos

Segredos dos tellados de Santiago

Bestiario medieval 
Gárgolas ou quimeras

           "Camiños a Santiago" será o noso Proxecto deste curso:

FAMILIAS LECTORAS

No boletín informativo da Biblioteca incluimos a convocatoria para este curso da actividade "Familias Lectoras". Un ano máis compartiremos lecturas e conversas arredor delas. 

Boletín outubro 2015 from Biblioteca Escolar Leirado