TEATRO DE LUZ NEGRA PARA CELEBRAR O SAMAÍN

Chega Samaín e o voluntariado deste curso non para! 

Esta vez adaptaron o conto "GUAPA" de Canizales, para facer un teatro negro con luz ultravioleta que foi todo un éxito. 

Aquí podedes ver o resultado final:

PASANDO Á BOLA: XOGANDO PARA CAMBIAR

 Hoxe gozamos da actividade "Pasando a bóla, xogando para cambiar". Programa da Xunta de Galicia que trata da prevención do acoso e o ciberacoso escolar.

A actividad e consistiu nunha representación teatral da mán  de Celtia Figueiras, actriz da compañía "A xanela do Maxin".

Ademais, Celtia firmounos un exemplar do libro: Pasando a bola, a banda dos insectos"

Moitas grazas pola visita!

LETRAS GALEGAS E TEATRO

O teatro é un tipo de texto moi especial, escrito para ser representado. O alumnado de 6º leu e preparou unha obra que nos ofreceu no noso Festival das Letras Galegas, este curso de xeito virtual. Trátase de "Moitomorro Corporation, sociedade ilimitada", de Carlos Labraña. O seu traballo viuse recompensado cunha entrevista co autor, na que puideron saber moitos detalles sobre o teatro e sobre a obra... 

...e ademais tiveron a honra de ser presentadas e presentados na súa estrea polo propio autor dentro do programa do festival!

Aquí podedes ver o festival completo, con moita poesía, algún conto e pasaxes da vida e obra de Xela Arias, montaxe do noso Equipo de Dinamización da Lingua Galega. O teatro na 2ª metade.

ENTREVISTA A MIGALLAS

O pasado mes de novembro puidemos asistir ás Xornadas de Teatro organizadas pola FANPO, que xa van pola súa quinta edición e que nos ofrecen a magnífica oportunidade de gozar desta manifestación literaria e artística tan enriquecedora.

Aos máis grandes tocounos "Un avó especial", de Migallas Teatro, obra na que se trata a temática do Alzheimer a través da relación dun avó coa súa neta. Gustounos e emocionounos, é o que ten a arte.

Non podíamos deixar escapar a oportunidade de saber como é a vida destes artistas que se adican ao teatro e á música, xa que estamos inmersos no noso proxecto LeiARTE. Así que, o alumnado de sexto redactou unhas preguntas sobre aqueles aspectos que lles interesaba coñecer e, alí mesmo, entrevistaron a María Campos e Carlos Yus. Logo preparárona para que a escoitemos todos.

Escoitade, hai moitas curiosidades e cousiñas que aprender.

ENCONTRO CON RAQUEL CASTRO

Este curso en 5º e 6º lemos teatro, unha das obras que lemos foi "As terapias da doutora Ledicia". Tivemos a estupenda oportunidade de conversar coa autora na nosa Biblioteca.

Puidemos saber como foi que naceu esta obra, o porqué da elección dos personaxes, e ata aportamos algunha idea para unha posible segunda  parte. Encantounos falar con Raquel, que tamén nos contou que ten unha novela a punto de sair, e por suposto xa queremos coñecela.

Moitas grazas!

UNHA DE MONICREQUES

Un grupo dos axudantes da Biblioteca preparou a primeira actividade de animación á lectura para os seus compañeiros máis novos. Lara, Antía, Isaac, Damián, Rubén e Laura atrevéronse a preparar unha pequena obra de monicreques, unha adaptación de "Cucho, Coco e o dilema do seis". Deron vida aos personaxes a partir dun calcetín, traballando na súa casa, e prepararon os diálogos nos seus tempos de recreo.

 

 Montaron o decorado con cartón e teas e organizaron a sesión

O seu esforzo viuse recompensado coas risas dos pequenos e pequenas.

 

Cucho e Coco teñen un dilema, seis é moito ou é pouco?

Un dilema é algo moi serio, cousa de maiores...

Como o resolverán?

 

O importante é que sexa abondo!!!

NADAL RIMA CON FESTIVAL

Na casa da Cultura de Leirado, e moi ben arroupados polas nosas familias, celebramos o festival de Nadal o pasado día 20. Un festival cheo de cantigas, bailes, poemas e teatro, onde amosamos o resultado do traballo realizado.

Puidemos ver coreografías baseadas no libro disco María Fumaça, moi moi festeiro e divertido, bailes populares doutros lugares, teatriños onde os personaxes do Belén vivían situacións disparatadas,  escenificación e recitado dunha escolma poética de xogos e arrolos...

Podemos escoitar de novo o recitado de poemas aquí:

O TEATRO E VIDAL BOLAÑO

Propoñemos estas actividades para seguir aprendendo sobre teatro e sobre Roberto Vidal Bolaño. Grazas ás súas autoras por compartilas.

Ainda que o teatro é un texto escrito para representar tamén pode ser unha lectura grata. A Biblioteca amósavos estes días algunhas obras de teatro e outros libros relacionados. 

Ver máis

OBRAS DE VIDAL BOLAÑO

Aquí vemos os carteis de dúas obras de Roberto Vidal Bolaño: "Animaliños" e "Touporroutou da lúa e do sol".

Fíxate nas imaxes, e fai os puzzles:

LETRAS GALEGAS 2013

Roberto Vidal Bolaño, autor de teatro e tamén actor e director, é  a quen a Academia Galega acordou adicar este ano o Día das Letras Galegas. Prepáremonos para coñecelo e para falar de teatro.

Neste telexornal, feito por alumnado do CPI Dos Dices (Rois), podemos achegarnos ao coñecemento deste   autor, que foi un grande impulsor do teatro profesional en Galicia, e en galego:

          

• Para saber máis e poñer a proba os nosos coñecementos, aquí  temos actividades para os distintos niveis, elaboradas pola Biblioteca do CEIP Mallón (Nigrán).

• Un percorrido, imprimible, pola vida de Vidal Bolaño, recollido  nas actividades do Seminario Galán.

• Ademais, dende a nosa Biblioteca convidámosvos a convertirvos en autores de teatro. Para quen queira aventurarse deixamos unhas orientacións.

FESTIVAL DAS LETRAS

Despois de dúas semanas de celebración das Letras Galegas, coas actividades programadas polo Equipo de Normalización e Dinamización Lingüística, e despois de coñecer a figura de Valentín Paz Andrade, remataremos, coma sempre, co noso festival.

Podemos adiantar que no programa disfrutaremos da representación, a cargo de compañeiras e compañeiros de distintos niveis, de varias obras de autores galegos, das que vos podedes ir informando:

Teatro:

"Restaurante Farruco", de Chus Pereiro

"El-Rei Artur e a abominable dama", de Marilar Aleixandre con membros da compañía Títeres Cachirulo.

Poesía:

"A tea de araña que todo o apaña", de Xoán Babarro

Recitado de poemas de Rosalía de Castro, da que este ano celebramos o 175 aniversario.

E ademáis... música e cancións. Divertirémonos, seguro.