O alumnado de sexto de primaria quixeron compartir con nós os seus libros favoritos e así animar ao resto do cole a ler.
Aquí vos deixamos as reseñas, que tamén están na nosa canle de Ivoox.
25/6/26
NON COMPARTAS A MERENDA!
O alumnado de 5º de educación primaria en proxecto competencial este curso estivo investigando e aprendendo sobre as alerxias e as intolerancias.
Ao fina do primeiro trimestre presentaron as súas pesquisas nun mural expositivo para todo o centro.
No segundo trimestre decidiron elaborar unha campaña para que no cole non se comparta a merenda dado que pode haber alguén alérxico no centro. Con isto en mente crearon unha historia e a plasmaron nun vídeo/campaña que vos mostramos a continuación. Todo o centro foi invitado a velo.
19/6/26
11/6/26
VI CONGRESO EDUCODS, 2026
A principios de xuño o noso centro acudiu ao VI congreso educODS celebrado nas rúas de Tui.
O alumnado de 1ºEP, 4ºEP e 6ºEP expuso o seu traballo relacionado co no noso PDI sobre agricultura "Mans á terra".
Tendes máis información no blog do proxecto: mansaterra.blogspot.com
10/6/26
OBRADOIRO ILUSTRACIÓN PARA CLUBS DE LECTURA
Como peche deste curso,os clubs de lectura de 5º e 6º asistiron a un obradoiro de iniciación ao debuxo e ilustración! Para que isto fora posible, en horario de tarde, organizamos un xantar de convivencia previo ao obradoiro no que nos mesturamos e compartimos un tempiño de lecer e conversa, que sempre se presta mellor arredor dunhas pizzas.
O obradoiro foi impartido por Fabián, mestre de debuxo na escola de arte Studio 57 de Porriño. Tras unha reve definición e historia da ilustración, durante o obradoiro as nenas e os nenos experimentaron co diferentes técnicas, estilos e formatos. Probaron como a partires dunha idea, concepto ou mensaxe se pode elaborar unha estructura narrativa completa, en diferentes formatos e composicións e mesturando diferentes estilos, estética e uso da cor. Comezaron realizando bosquexos rápidos a partires de ideas iniciais pero remataron a sesión creando e deseñando ilustracións conintencióncomunicaiva de un concepto ou información a través da narrativa visual da imaxe.
Todo un éxito de asistencia, motivación e creatividade neste obradoiro que moi probablemente repetiremos
7/6/26
FAMILIAS LECTORAS DESTE CURSO
Durante este curso foron moitas as familias que se acercaron polo colexio para gozar dun conto con nós.
Á hora de ler, ás 9:30h, é o momento no que cada familia nos visita para ler un conto.
Esta é unha das actividades favoritas entre o noso alumnado.
5/6/26
CLUB DE LECTURA 3º TRIMESTRE
Durate este derradeiro trimestre os clubs mergulláronse en moi variadas lecturas.
O grupo de cuarto botou moitas risasdas durante a lecura de "Os peidos máxicos de Sultán", de Marta Villar e ilustrado por Lucía Barrios. Moitas gargalladas cos poderes máxicos dos peidos do can de Sil, que nos deu pe para falar longa e profundamente sobre o poder da amizade e a importancia de ter e manter boas relacións c@s compis!
As chicas e chicos de quinto adentráronse na creación de cómic da man do gran Kiko da Silva e o libro "Aprende banda deseñada con Fiz" . A través dos erros do propio artista na creación da banda deseñada, foinos levando de xeito moi dinámico e visual, ao paso a paso do proceso creativo. Enleando coas divertidas e estrambóticas ideas de Fiz, o protagonista, puideron coñecer a estructura e os conceptos esenciais que se recisan para a creación de cómic. E niso andan agora....en breve veremos as creacións do grupo!
.jpg)
E o grupo de veteran@s despídese do club de lectura con "Milú e o edificio das persoas extraordinarias", creación de Abel Tomé e ilustrado por Laura Romero. Da man de Milú puideron coñecer a tod@s @s veciñ@s, cada quen co seu súperpoder e como coa unión e cooperación entre o grupo se poden acadar grandes logros. Reflexioamos tamén sobre os súperpoderes que nos gustaría ter...e rematamos valorando os que xa temos! Todas aquelas habilidades e destrezas que posuímose que podemos empregar tamén para acadar logros xunt@s. Unha xuntanza moi proveitosa e reflexiva
Suscribirse a:
Entradas (Atom)