Vaia sorte que tivemos contar coa visita desta xenial escritora, An Alfaya, que ademais resultou ser unha grata contadora de historias. Así nolo relata o alumnado de 5º e 6º que leron este curso dous dos seus libros:
"Falounos de como se inspirou para escribir os seus libros. No caso de A ánfora exipcia empezou dende que lle regalaron un escaravello rinoceronte, un documento nunha revista sobre unha muller que encontrara unha ánfora, historias que lle contou unha amiga que viaxou a Exipto...No caso de Zoa e Azor inspirouse estando na festa da rapa das bestas. Contou un interesante conto sobre un náufrago e unha buguina. Contestou a todas as nosas preguntas e asinou os nosos libros, incluido o da biblio"
Grazas, An Alfaya, e grazas a Matilde por facelo posible.
No hay comentarios:
Publicar un comentario