CLUB DE LECTURA

 Neste trimestre realizamos a primeira xutanzas deste curso dos distintos clubs de lectura  do cole! 

Co alumnado de sexto  intercambiamos impresións sobre "O día que choveron gatos", un premiado libro de Eva Mejuto, que resultou moi divertido e interesante. A partires disto elaboramos un listado de "fins" polos que nos gustaría facernos activistas, seguindo ainiciativa da protagonista Catarina 

O grupo máis numeroso, o de quinto, iniciou o curso  coa lectura de "O meu pesadelo favorito", de María Solar. Ao igual que o protagonista, nesta xuntanza xogamos a improvisar aloucados e divertidos pesadelos. Resultou unha reunión ben divertida, imaxinativa e con moitas risas 

Para o alumnado de cuarto esta foi a súa primeira vez nun club de lectura. Estreáronse con "Nerea e o Príncipe da sorte" unha divertida novela gráfica escrita por Pablo Prado e ilustrada por Miguel Rojo.    Nesta primeira xuntanza, ademáis de repasar as normas e o funcionamento do club, quixeron facer a súa propia mensaxe segreda, coma Nerea! Así que mans á obra e, a parires dun "abecedario máxico" elaboraron as propias consignas

 Agardando xa polas seguintes xutanzas para comentar novas lecturas e compartir estes bos ratiños.